08 may 2025-ci il tarixdə Naxçıvan Dövlət Universiteti Tələbə Elmi Cəmiyyətinin təşkilatçılığı ilə “Ulu Öndərin Xatirə Həftəsi” çərçivəsində “Heydər Əliyev və dövlət şəhərsalma siyasəti” mövzusunda dəyirmi masa keçirilmişdir.

Tədbiri giriş sözü ilə açan NDU TEC sədri Yusif Mirzəzadə Ümummilli Lider Heydər Əliyevin Azərbaycan dövlətçiliyinin möhkəmləndirilməsi, şəhərsalma siyasətinin formalaşdırılması və memarlıq ənənələrinin qorunub saxlanması və inkişafındakı müstəsna xidmətlərindən bəhs etmişdir. Bildirilmişdir ki, Ulu Öndərin rəhbərliyi dövründə həyata keçirilən genişmiqyaslı quruculuq və abadlıq işləri Azərbaycanın şəhərsalma strategiyasının əsasını təşkil etmişdir. Bu baxımdan Ulu Öndərin əsasını qoyduğu dövlət şəhərsalma siyasəti bu gün öz bəhrəsini verir və WUF13 kimi memarlıq və şəhərsalma ilə bilavasitə bağlılığı olan beynəlxalq miqyaslı mötəbər bir tədbir Azərbaycanda keçirilir.

Daha sonra “Memarlıq” kafedrasının müdiri, memarlıq üzrə fəlsəfə doktoru, dosent Gülnarə Qənbərova və həmin kafedranın müəllimi Turan Abbaszadə mövzu ilə bağlı çıxış edərək Heydər Əliyevin şəhərsalma və memarlıq siyasətinə verdiyi töhfələrdən, ölkənin müxtəlif regionlarında həyata keçirilən infrastruktur layihələrinin əhəmiyyətindən danışmışlar. Çıxışlarda müasir urbanizasiya proseslərində milli memarlıq ənənələrinin qorunmasının vacibliyi xüsusi vurğulanmışdır.

Tədbirdə iştirak edən “Memarlıq” ixtisası tələbələru mövzu ətrafında fikir mübadiləsi aparmış, Ulu Öndərin dövlətçilik ideyalarının bu gün də aktual olduğunu qeyd etmişlər.

Sonda iştirakçıların sualları cavablandırılmış, dəyirmi masa diskussiya şəraitində davam etmişdir.

#NDU #ndutec #azerbaijan #HeydərƏliyev #nakhchivan #xatirəhəftəsi #memarlıq